بایاتلار

عزيزينم قار، قالار
ساوالاندا قار، قالار
بولبول كؤچوب باغلاردان
يئرين آليب قارقالار

آشيغام درنده گول
گؤزله وئرنده گول
مردي گؤرنده آغلا
نامردي گؤرنده گول

عزيزينم بوشقابا
هئيواني دوز بوشقابا
يوخسولو كيم يوخلايار
قاشيق دَيمز بوش قابا

من آشيغام گوله نه
بولبوله نه، گوله نه
دئسينلر غمي يوخدو
قوشولموشام گولنه

عزيزيم او باهاردا
او يايدا، او باهاردا
ائل كوچدو دالي قالديم
بيلميرم اوبا هاردا

من آشيغام قورونا
قوروق اولوب قورونا
نامرد بير اود يانديردي
من بوروندوم قورونا

من آشيق قار، قالانيب
قار ياغيب، قار، قالانيب
نه اولوب بو داغلارا
كهليكلر قارقالانيب

عزيزينم آل ايشيق
آلووومدان آل ايشيق
دردليلر يانماق اوچون
آلير مندن آليشيق

آشيق اوو، ساري گئدك
گئدك اوو، ساري گئدك
اصلي كؤچوب بو يورددان
ياپيش اوساري گئدك

من آشيق اَي ايلمهيي
وور ناققيش اَي ايلمهيي
مرد اوغلو مرد گؤتورمز
نامرده اَييلمهيي

ائل سوزوی...