ائل سوزوی : نیلوبلاگ

  عالمه، آدمه زینتدی حسین

بو عیان خلقته رأفتدی حسین                  هر ایکی عالمه عزتدی حسین

یارادان گور نئجه انسان یارادوب                عالمه، آدمه زینتدی حسین

مشکول اولسا اونون بابینه گئد                  غم یئمه باب کرامتدی حسین

آدینی سسله دوشنده درده                       طبّ ده روح طبابتدی حسین

 

قبرین اوّل گئجهسی تک قویماز             سوز وئروب عین صداقتدی حسین

بیر حسینچی ائده رحلت حاشا              بیر بئله گل گئده علّتدی حسین

کربلا روضه رضواندی عیان                     جنتّه راه و طریقتدی حسین

اتگیندن یاپوشان حاجت آلور                   بی سخن قبله حاجتدی حسین

چکمهرم ال نهقدر عمروم وار                  حشرده باب شفاعتدی حسین

بیر بئله هم همه و شور و نوا                       اُول قیامتدن علامتدی حسین

گول آدی حک اولونوب سینمده               بو همان طوق شرافتدی حسین

کیم گئده درگهونه تاپدی نجات                 حق دئیوب شمع هدایتدی حسین

نئلورم ثروت دنیانی اوغول                         بیر آدی افضل دولتدی حسین

هر مکاندا که اسور قاره علم                        منه اُول یئر در حُرمتدی حسین

نئجه یازسون یئنه وصفون "دلبند"            قلم عاجزدی نه منّتدی حسین

 

ائل سوزوی...